Tulisan Nu Maha Agung, tegesing bahan salamet di sakabeh Alam jeung Jaman katut anu ngajamananana, lamun bener migawena.
SASTRA
Hartina
tulisan, sakabeh anu dumadi, anu kumelip di Alam dunya, estu geus hurup
teu aya cawadeun-nana, sarta kabeh kersana Nu Maha Agung, anu matak
bangsa urang ti jaman Karuhun mula geus percaya sarta muji ku milampah
kahadean sangkan diri jeung lianna (pangeusina dunya) pinanggih jeung
rahayu.
JENDRA
Hartina wujud ayana Nu Maha Agung teu
bisa dipapandekeun sanajan jeung naon-naon oge, ari bangsa urang
percaya yen ayana Wujud Nu Maha Agung (Hyang Agung) nya eta ku ayana
Para Hyangan anu teges asalna ti Hyang Agung tea.
HYANG
Hartina
Abdi Gusti (nu asal ti Gusti). Para Hyangan hartina Abdi-abdi Gusti nu
arasalna ti Gusti. Gusti teh asalna Abdi Gusti sadaya.
Nu nyaho sarta nyaksi yen Gusti teh Wujud anging Abdi anu wujud tur tetep Wujud di WujudNa.
Nu
nyaho sarta nyaksi yen Gustina teh : henteu dat, henteu sipat, henteu
arah jeung henteu anggon, (laesa kamisilihi?). Anging Abdina anu teu
dat, teu sipat, teu arah jeung teu enggon (billa haeffin billa makanin
?)
Saha ari Abdi teh ? . . . Nu ngabdi ka Gustina !
Saha ari Gusti teh ? . . .Nu Maha Agung !
Saha anu nyaksi sarta nyaho yen Gusti teh Wujud ? . . . Abdi-Na !
Saha anu uningaeun ka Abdina ? . . . Gusti !
Kumaha nyatana yen Wujud-Na ari Gusti ?
Ari kanyataannana mah di Abdi-Na (nu wujud di Gusti).
Ari Wujud-Na mah kunyata Murba-Na !
Kumaha nyatana jeung kumaha Murbana teh ?
Gusti teh Hyang Agung, nu jadi asal Para Hyangan !
Hyang Agung teh nya hyang Widi (Anu Kuwasa) bukti: Kawasana dimana-mana !
Hyang Widi teh nya Hyang Suksma (Anu Kersa) bukti : Kersana di Hirup.
Hyang Suksma teh nya Hyang Manon (Anu Uninga) bukti : Uninga sakarep-karepna !
Nya
Hyang Agung asalna Para Hyangan, Hirup-Na hanteu nganggo napas,
Rungu-Na hanteu nganggo cepil, Ningali-Na hanteu nganggo soca,
Ngadika-Na hanteu nganggo baham.
Anu matak Para Hyangan mah :
tara mi-Allah ka: Pangeran anu diuk dina korsi gading
tara mi-Rasul ka Nu sok maot
tara mi-Kitab ka Nu sok soeh
tara mi-Malaikat ka Nu jangjangan
tara mi-takdir ka Nu alah-alihan
tara mi-Milu ka Nu sok paeh (rusak)
KURING DI DUNYA NGUMBARA
Pangumbaraannana
nyaeta ieu Dunya gede (Kabir). Sanggeusna Kuring aya di pangumbaraan
lila-lila Kuring boga kanyaho serta nyaksi kaayaannana sabagian tina
ieu dunya gede, ari parabot kuring pikeun nganyahokeunnana nya make
diri (badan anu kumplit sarta sehat), saperti :
Panon keur kuring nenjo dunya
Ceuli keur kuring ngadenge dunya
Sungut keur kuring ngomong dunya
Irung keur kuring ngambeu dunya
Leungeun keur kuring barang cokot dunya
Suku keur kuring leumpang di dunya
Jeung
sajaba ti eta estu pepek kersaning Nu Maha Agung mi-asihna ka kuring,
maparin bekel keur waktu kuring ngumbara di dunya gede (Kun paya kun).
Ngan
bae sanggeus kuring boga kanyaho sarta nyaksi kaayaan dunya jeung adat
istiadatna, kuring wajib ngaraksa diri nu jadi gids (bekel kuring =
pamajikan sapanjang ngumbara di dunya) Nyaho kana aturan Drigama sangkan salamet diri Tetep
dina agama kuring sangkan kangaranan Innalillahi (pasrah ka Gusti
kuring) Wa (jeung) Inna iIllahi rojiun (tunggal jeung Gusti)
Drigama mah keur umum ari agama keur Para Hyangan (anu teu umum)
PERINGETAN KURING KEUR KURING !
Ari
harti Agama nya-eta patokan nu tetep, nu teu beunang dirobah deui, mun
dina basa Arabna nyaeta takdir ti nu Maha Suci nu geus teu bisa
diongget-ongget deui.
Seuneu sarerea asalna ti Panon-poe.
Cai sarerea asalna ti Laut
Napas sarerea asalna ti Angin
Taneuh sarerea asalna ti Bumi
Acina seuneu ngajadi daging
Acina cai ngajadi balung
Acina angin ngajadi kulit bulu
Acina bumi ngajadi saeusina badan
Daging-balung-kulit
bulu saeusina ayeuna geus ngajadi badan. Badan teh nya badan sarerea
bae, jadi sidik yen enyana Badan urang teh urang Dunya, sabab badan
jeung sapuratina asal tina Dunya. Ari kuring asal ti Gusti Nu Maha Suci.
Anu matak ceuk ilahar mah kurin teh di dunya mah disebutna ngan sakadar
ngumbara.
Badan teh aya badan sarerea bae, jadi sidik yen enyana badan urang teh urang dunya, sabab badan jeung sapuratina asal ti dunya.
Ari kuring asal ti Gusti Nu Maha Suci. Anu matak ceuk ilahar mah kuring teh di dunya mah disebutna ngan sakadar ngumbara.
Ari Pangumbaraan nya ieu dunya! Dunya gede (dunya kabir).
Ari pamajikan (pangcicingan kuring) nya dina diri nu asal ti dunya tea, anu matak diri teh disebutna dunya leutik (dunya sagir).
Ari
diri teh nyaeta parabot atawa nu nganteur kuring sapanjang aya di dunya
gede, nepikeun ka waktu ieu kuring bisa boga kanyaho jeung nyaksina
sakabeh nu kapanggih jeung karasa di dunya ku panganteurna diri, anu
matak lamun kuring teu bisa mikanyaah ka diri nu geus nagnteur kana
kahayang jeung nganteur salawasna ngumbara di dunya gede, atuh kuring
teh kacida pisan erana, era ku dunya, era ku diri, komo kuring teh asal
ti Gusti Nu Maha Suci, sok asa piraku mun talajak kawas anu asal ti
setan.
Kuring ayeuna geus nyaho jeung nyaksi (Isun
angawruhi lan Isun anakseni) : yen di dunya mah geuning disebutna oge
alam papasangan, da bukti lamun aya kecap panjang, aya pondok, aya gede
aya leutik, aya awewe aya lalaki, jeung satuluyna, anu matak pantes
lamun keur waktu kuring aya di dunya mah kudu make kana kalimah kalih
(kecap dua), cindekna bisa nyaho jeung nyaksina, nu kumaha nu disebut
panjang jeung nu kumaha anu disebut pondok, jeung satuluyna.
Lamun
kuring geus bisa misahkeun anu kumaha anu panjang jeung kumaha anu
disebut pondok, eta hartina geus boga pamilih. Lamun geus boga pamilih,
sarta milihna keur kasalametan diri jeung umum, kakara kuring disebutna
geus bisa nyekel kalimah kalih, warisan ti luluhur urang baheula.
Ari
keur milihna? nya-eta diri tea ! Lamun kuring geus ngarti yen parabotna
keur milih teh, nya Diri kuring, atuh wajib kuring sarerea daek
ngaraksa jeung merlukeun kaperluannana diri, sabab anu nyaho
kaperluannana diri, boh laparna, ausna, nyeuri peurihna, genah jeung
ngeunahna ngan kuring.
Tah sakur nu daek mikanyaah ka
dirina eta hartina sarua jeung Nyembah ka Hyang Widi, ari any nyembah ka
Hyang Widi, eta ngarana Sembah-Hyang.
Lamun kuring geus
nyekel Kalimah-kalih (boga pamilih) sarta Sembah-Hyang (mikanyaah ka
diri) anu tangtu bakal ngarti yen salamet teh jalanna lain wungkul ku
diri sorangan, tapi ku sarerea, atuh kudu daek nulung kanu sejen (diri
batur) sabab lamun euweuh diri batur, kuring di pangumbaran teh moal
sugema. Lamun kuring geus nulung ka nu butuh, nalang ka nu susah,
nganteur kanu keu’eung, jeung nuduhkeun ka nu teu nyaho eta hartina
sarua jung Ngaji Rasa.
Lamun kuring jeung diri sarerea
geus marigawe kitu, di Dunya teh tangtu Rukun, munggah jadi hiji di
Pangumbaran (Duna Gede = kabir) Baeth-ulah nu dijadikeun ku Kersana
Pangeran Nu Maha Agung.
Tah kitu agama Para-Hyangan anu
asalna ti Hyang agung! Hyang Widi nya Hyang Suksma, nya hyang Manon,
tea. PARA hartina Sakur (sakabeh) HYANG hartina Nu asal ti Gusti. Jadi
hartina Para-Hyangan teh, sakur/sakabeh nu asal ti Gusti, anu ayeuna
baroga pamajikan (patempatan) dina diri (Sunda). Sunda (dunya sagir) nu
asalna ti Pasundan (dunya kabir).
Pasundan Hirup !
Sunda teges Nu Hirup !
Mun Pasundan henteu hirup, moal aya pangeusina ! bau !
Mun Sunda lain nu hirupna tangtu Pasundan jadi leuweung loba sato galak !
Nu ngahirupkeun : Hyang Agung
Nu dihirupkeun : Pasundan
Nu hirup : Para-Hyangan
Nu hirupna : Sunda (teges)
PATOKAN PARAHYANGAN
1. Kalimah kalih (boga pamilih)
2. Sembah-Hyang (nyaah ka diri).
3. Tulung tinulungan (nyaah ka diri batur)
4. Ngaji Rasa
5. Rukun
KAPERCAYAAN PARAHYANGAN
1. Percaya tur nyaho ka Hyang Agung
2. Percaya ka Kuring nu asal ti Hyang Agung, jeung prak migawe
cara anu Agung (Nata)
3. Percaya ka nu karasa (luang)
4. Percaya ka nu melekaken (ngahudangkeun) tekadna
5. Percaya kana takdir (patokan agamana)
6. Hirup taya anggeusna ! [Pasundan ti baheula tepi ka ayeuna
hirup, diareusian ku nu Hirup]
